Omubaka Ssemuju emivuyo egyabadde mu kuwenja akalulu ka Kyaddondo East agitadde ku Kakiiko ka byakulonda

Omubaka mu Palamenti akiikirira Munisipaali y’e Kira mu Disitulikiti y’e Wakiso,    Ibrahim Ssemuju Nganda agamba nti akakiiko k’ebyokulonda kaakunenyezebwa nnyo olw’emivuyo egyetobese mu kampeyini ezaabadde zifundikirwa akawungeezi ka ggyo mu kalulu ka Kyaddondo ey’obuvanjuba nga okulonda kuno kwakubaayo nkya.

Ssemuju agamba nti vvulugu yenna eyeetobese mu nkungaana ez’abeesimbyewo ekyaleetedde Pulezidenti Museveni okugenda ng’ataataaganya enkungaana ezitali zimu nga abeesimbyewo ebifo ebimu mwebaabadde balina okukuba enkungaana nga basangawo magye n’ebitongole ebikuuma ddembe ebitali bimu ekyalese ebibuuzo.

Ayongerako nti ekya Pulezidenti Museveni okugenda mu bifo nga bino ate n’atwalayo amagye agaleetera abantu okwewanika emitima nga yeerabidde nti yabadde awenjezabuwenjeza munnakibiina kalulu .