Pulezidenti Museveni asisinkanye Gen. Fattah owa Sudan
Pulezidenti Yoweri Kaguta Museveni olunaku olwaleero asisinkanye Bammemba b’akakiiko k’amaggye aka ‘Sudan Transitional Military Council’ nga bakulembeddwamu H.E. Gen. Abdel Fattah Al-Burhan e Mbale ku State Lodge.
Bano bamunyonyodde ku mbeera eriwo mu Sudan era neboogera ku ngeri gyebayinza okukolaganamu okusobola okuzzaawo eddembe mu Sudan era Pulezidenti Museveni neyeyama okubayamba.
Pulezidenti Museveni ategeezezza nti embeera y’obusambattuko ebaddewo mu Sudan si nnungi kuba etiisa bamusigansimbi wamu n’okunyigiriza abantu babulijjo.
Abajjukizo nti embeera eri e Sudan yaliko mu Yuganda era obudde bungi obwayononebwa, bwatyo nabategeeza nti enkola esinga yakukiriziganya nebayita mu nkola ya demokulasiya.
