President Museveni yebazizza abalonzi

President Yoweri Museveni avuddeyo neyebaza Bannayuganda olw’okugaana okulonda ab’oludda oluvuganya ne balonda aba NRM mu kulonda kwaba Ssentebe okuwedde.

President Museveni nga ono ye Ssentebe wa NRM yagambye nti mukulonda obukiiko bw’abakyala ku bifo 303,460 NRM yawangulako ebifo 256,100 by’ebitundu 84.5 ku 100, ba Independent bali 27,069 by’ebitundu 8.9 ku 100 nga ate ab’oludda oluvuganya Gavumenti bali 20,291 by’ebitundu 6.6 ku 100.

Ate ku ba Ssentebe ba LCI ku byalo 54,713 ku ebyo 60,774 NRM yawanguddeko ebyalo 37,496 by’ebitundu 69 ku 100, ate ba Independent nebawangula ebyalo 11,685 by’ebitundu 21 ku 100 songa abavuganya gavumenti bo bafunye ebyalo 5,532 by’ebitundu 10 ku 100.

Yavuddeyo nasekerera abo ababadde bakozesa emikutu egyenjawulo omuli TV, Radio, social media wamu n’olupapula lw’amawulire lweyayise Omulabe wa NRM olwa Daily Monitor kuba abalonzi babaswazizza ne balonda NRM.

Yagambabye nti bano bonna nga bawali wamu n’aboludda oluvuganya Gavumenti beyayise abamenyi b’amateeka berabira nti abalonzi si basiru ate ne Katonda abalaba ate nga yagaba.