Poliisi eyongedde amaanyi mu kunoonya emirambo gy’abantu ababbira
Ekitongole kya Poliisi eky’okumazzi wamu n’abantu abalinaanye ennyanja Bunyonyi bakyali ku muyiggo gw’emirabo gy’abantu 4 egitanalabika okuva ku lwokubiri eryato kwebaali basabalira bweryabbira abantu 5 nebaggwa mu mazzi.
Agnes Turyasingura 29 n’omwana we ow’emyezi 9 Jacob Niwahereza, Patience Akampurira 21 n’omwana we ow’emyezi 8 Shivani Ainembabazi wamu ne Macklin Tumuhekyi 20 nga bonna batuuze be Hamukaka mu Kyenyi parish Muko sub county mu district ye Rubanda bwebaali basala ennyanja okugenda ku kyalo Karambo gyebali balima.
