Poliisi etaasizza ababadde babba aba mobile money e Kakiri okuttibwa abatuuze
Uganda Police Force etaasizza abasajja basatu okuttibwa abantu ababadde bataamye obugo bwebabadde bagezaako okubba aba mobile money mu bitundu by’e Kakiri.
Bano babadde befuula abaagala okuggyayo oba okusindika ssente nebafundikira nga babbye ssente okuva ku ba Agent.
Ba Agent bwebakitegedde nti babiddwa olwo nebatemya ku batuuze abatandise okubayigga nga bano babasanze balina gwebagezaako okubba.
Abakwatiddwa kuliko Kigabane Samuel 53, ow’e Mende Wakiso, Nsimbwa Isaac 25, ow’e Namasuba – Makindye Kampala ne Kigundu Stuart 18, ow’e Kayunga.
Bano babadde batambulira mu motoka ekika kya Ipsum nnamba UAQ 122K nga njeru.
Ababadde babiddwa kuliko; Namulindwa Immaculate 20, ow’e Kitolotolo, Luwunga, Kakiri ne Namuli Diana 25, owo Mukigaga zone Kakiri Town Council. Bano bakuumirwa ku Poliisi y’e Kakiri.
