Poliisi yakoze ekikwekweto mwezuulidde edduuka erirowoozebwa okuba nga libadde ligula wamu n’okutunda Piki Piki enzibe mu Zooni ya White Nile, e Katwe mu Division y’e Makindye era nekwata n’abantu 8.
Ekikwekweto ekyakulembeddwamu DPC wa Poliisi y’e Katwe SP Rwamusayi Frantile bayazizza amadduuka okuli erya; Mugerwa, Nsubuga Fred aka Kanyama ne Kalangwa aka Jjuko nga kigambibwa nti amadduuka gano gaali gateeka ssente mu babbi ba Piki Piki mu Kampala n’emiriraano.
Banannyini madduuka gano kigambibwa nti babadde bagula piki piki enzibe okuva ku babbi nebazipangulula oluvannyuma nabaddamu nebapangamu Piki piki endala zebafunira ennamba endala n’oluvannyuma nebazitunda mu bintundu by’eggwanga ebirala. Poliisi yazudde spare wa piki piki ezisuubirwa okubeera enzibe wamu ne nnamba za piki piki.