poliisi e lwengo esuuzizza ababbi ente 6
Abasirikale ba Poliisi ababadde balawuna ekiro ku kyalo Kalugulu mu Sub-County y’e Kisekka mu Disitulikiti y’e Lwengo ku luguudo oluva e Kiwangala okudda e Kaliisizo basuuzizza abantu abatategeerekese ente 6 ezirowoozebwa nti nzibe.
Bano babadde bagoba ente zino mu kiro era bwebayimiriziddwa Poliisi, bataddeko kakokola tondeka nnyuma okukakana nga babuzeewo. Poliisi yagobye ente zino okuzituusa ku Poliisi y’e Kiwangala nga bwerindirira bannyini zo okuzikima.
Poliisi egamba nti singa banyini zo tebazikima mu bwangu Poliisi yakugenda mu maaso efune ekiragiro kya kkooti ekigikiriza okutunda ente zino kuba tebalina webazikuumira.
