Omusomesa wa Kabojja asindikiddwa e Luzira lwakutigatiga muyizi omulenzi

Omulamuzi wa Kkooti ya Buganda Road Ronald Kayizzi azizzaayo Godfrey Muwumuza 43, nga musomesa ku ssomero lya Kabojja Junior School azziddwayo ku alimanda mu kkomera e Luzira okutuusa nga 4-June lwanakomawo mu Kkooti okuwulira okusaba kwe okwokweyimirirwa. Oludda oluwaabi olukulemberwamu Joan Keko ne Ivan Kyazze lwategeezezza nti betegefu okutandika okuwozesa Muwumuza era nebamuggulako omusango omulala ogwa ‘Indecent assault’.

Muwumuza yakwatibwa gyebuvuddeko nga kigambibwa nti yali agezaako okusendasenda omuyizi owemyaka 11 omulenzi okwetaba mu bikolwa ebyokuvuga olupanka bwebaali bava okulambula wakati wa 4 May ne 5 May.

Omusomesa ono avunaanibwa okutigatiga ebitundu by’ekyaama ebyomuyizi wamu nokugezaako ebikolwa ebirala bwebaali mu lugendo nga bakomwa. Okusinziira ku biwandiiko bya Kkooti omuyizi ono yategeeza Maama we ngayita ku mukutu gwa WhatsApp, era Maama we yaddukira ku Poliisi eyakwata Muwumuza.

Ebiwandiiko bya Kkooti biraga; “…omuyizi omulala bweyajja namuleka agende. Yaddamu ekikolwa kyekimu nga bali ku bbaasi bweyatuula okumpi naye natandika okumusika omukono namukwasa ku busajja bwe…”

#ffemmwemmweffe