Omupoliisi asse 1 n’alumya 2 ku kabaga e Kore

Police mu mambuka ga Yuganda mu Disitulikiti y’e Kore egombyemu obwala ofiisa waayo Constable Charles Ayepa agambibwa okukuba omuntu omu amasasi n’amuttirawo n’alumya n’abalala babiri ku kabaga. 

Akabaga kano kaabadde mu kabuga k’e Owalo nga kategekeddwa abawagizi ba ttiimu ya Manchester United nga bajaguza olw’okuwangula ttiimu ya Westham United ku ggoolo 4 ku kiiso ky’engege mu kikopo kya Premier League era nga Ofiisa ono y’omu ku baabadde bawa obukuumi ku kabaga kano.