Omubaka wa Busia Municipality akwatiddwa
Omubaka akiikirira Busia Municipality Munnakibiina kya National Resistance Movement – NRM, Godfrey Macho akwatiddwa enkya yaleero lwakunyomoola biragiro bya Pulezidenti Yoweri Kaguta Museveni ebyokwewala okusaasanya ekirwadde kya #COVID-19 wamu n’okukuma mu bantu omuliro.
Macho asangiddwa nga akunga abasuubuzi okugenda okuggulawo amadduuka n’emiddaala gyabwe mu katale k’e Busia ekikontana n’ebiragiro ebyateekebwawo Akakiiko ka Disitulikiti okulwanyisa ekirwadde kya #COVID19UG.
Bukedi Regional Police Commander (RPC) Julius Caesar Tusingwire agambye nti ono akuumirwa ku Tororo Central Police station.
Akatale k’e Bugiri kaggalwawo mu March oluvannyuma lw’okukizuula nti Abasuubuzi Bannakenya baali besolossa mu Katale kano.
