Omu afiiriddewo mbulaga mu kabenje okuliraana Namboole

Waliwo omuntu omu atategeerekese mannya afiiriddewo mbulaga mu kabenje akagudde okuliraana ekisaawe ky'e Namboole enkya ya leero  oluvannyuma lw'omugoba wa Takisi okukyukira mu luguudo bw'etyo lukululana y'amafuta n'emwambala. 

Luboggola Simba eyogeddeko n'omwogezi wa  Police y'ebidduka Charles Ssebambuulidde n'ategeeza nti Takisi nnamba UAV 308 P ebadde edda e Bweyogerere bw'erengedde abasaabaze omugoba n'agikyusa okugizza e gy'eva bwetyo lukululana y'amafuta ebadde edda e Kampala n'egitomera era okukkakkana nga ye Kkondakita akaliddewo ate omudereeva n'ayisibwa bubi nnyo. Babaddemu babiri bokka mu Takisi . Kitalo