Ogwa Kanyamunyu guzeemu okuwulirwa
Omusuubuzi w’omu Kampala Mathew Kanyamunyu wamu ne muganzi we Cynthia Munwangari bavuddeyo nebasaba Omulamuzi wa Kkooti Enkulu Steven Mubiru abaweeyo akadde bakozese ‘Plea-bargain’. Wano bajjakuba balina okukiriza nti batta Kenneth Akena olwo baweebwe ekibonerezo ekisaamusaamu.
Bino byogeddwa Bannamateeka baabwe okuli; Caleb Alaka, Evans Ochieng ne MacDusman Kabega abategeezezza Omulamuzi nti tebakyayagala kugenda mu maaso kuwulira bujulizi nga abajulizi 13 bebaka obujulizi.
Bano era basabye baweebweyo akadde nga bwebalindirira ekinaava mu kwetonda kwebakola eri abakulembeze ab’enono mu Acholi nga basaba ebatabaganye b’abennyumba ya Akena wamu n’abakulembeze b’ebika.
Wabula omulamuzi agaanye okuyimiriza omusango guno nategeeza nti bagenda kugenda mu maaso n’okuguwulira.
