obusiiwuufu bw’empisa bususse mu ggwanga – musumba kaggwa

Omusumba w’Essaza ly’e Masaka John Baptist Kaggwa alaze okutya olw’obusiiwuufu bw’empisa obususse mu Ggwanga nga kino asinzidde ku Minisita w’ebyobulambuzi Godfrey Kiwanda Ssuubi okussaawo empaka z’abakazi Mungu beyagemulira obutuuliro n’agamba nti kati alabika azzaako mpaka za mabeere.
Omusumba asinzidde Bugoma mu Disitulikiti y’e Kalangala bw’abadde ayimba missa ey’okulamaga ku kifo abaaleeta eddiini okuli Amansi ne Amapeera we baagobera mu myaka 140 egiyise nga missa yeetabiddwamu abalamazi abawerako nga batambuzza bigere okuva ku kidyeri kilomita bbiri.
Omusumba era yennyamidde olw’ennyambala ekyuse ennyo ng’abantu basusse okwambala obukete naddala nga bazze mu missa