NUP etandise okusunsulamu abanagikwatira bendera mu Omoro
Akakiiko k’Ekibiina kya National Unity Platform – NUP olunaku lw’eggulo akavunaanyizibwa okusunsulamu abakwatira ekibiina bendera ku bifo eby’enjawulo aka Election Management Committee katandise okusunsulamu abo abaagala okukwatira ekibiina bendera mu kalulu k’okujjuza ekifo ky’omubaka wa Omoro.
Abesowoddeyo kwekuli; Alison Ramto Flavia, Kizza Oscar, Ochola Charles, Simon Toolit Akecha, ne Secondo Okoth Abok.
Ebinaava mu kusunsula kuno wamu n’ebyo ebinaava mu kitundu ky’e Omoro byakuweerezebwa mu Lukiiko lw’ekibiina olwokuntikko okukola okusalawo okwenkomeredde ku ani anakwatira ekibiina bendera.
