Nkumi na nkumi ezaabakkiriza bajaguza amazuukira ga Yesu Kulisitu.

Nkumi na nkumi ezaabakkiriza okwotoloola ensi yonna zeeyiye mu masinzizo okujjukira amazuukira ga Yesu Kulisitu 

Amasinzizo gakedde kubooga okwotoloola ensi yonna ng’abakkiriza abakristu bajaguza amazuukira g’omwana wa Katonda Yesu Kulisitu ng’agenda mu Ggulu.

Abakulira enzikiriza bakedde ku bituuti era nga obubaka bubadde kukusaba abakkiriza okukuuma emirembe ate n’okuzuukira ne Yesu mu bikolwa.

Mu Kibuga Vatican emisa enkulu ekulembeddwamu omutukuvu Pope Francis mu kibangirizi kya St. Peters mu by’okwerinda eby’ekika ekya waggulu. Omutukuvu Pope mu bubaka bwe agamba nti abakkiriza beewale ekizikiza, ekizikiza kibabeere wala, Kulisitu azuukirire mu bo.

Wabula obubaka bwe buddiridde bweyawa ku lwokutaano mu kutambuza ekkubo ly’omusaalaba, Omutukuvu yavumirira ebikolwa by’obulumbaganyi ebyakolebwa ku kibuga Brussels ekya Bubirigi omwafiira abantu abawerako.

Abaagaalizza amazuukira amalungi.