Mwenyigire mu byobulimi muve mu byobufuzi

Hon. Vincent Ssempijja nga ye Minisita w’obulimi obulunzi n’obuvubi wamu n’omubaka omukazi owa Disitulikiti y’e Kalungu mu Palamenti Aisha Ssekindi balaze obwennyamivu olw’abamu ku batuuze abagayariridde okukola ne badda mu ntalo z’ebyobufuzi ezitabagasa, ekiyinza okuzza ekitundu kyabwe emabega mu by’enfuna.
Bino babyogeredde mu lukungaana lwebakubye okusisinkana abalimi e Lukaya nebasaba abalimi okujjumbira obulimi naddala obw’emmwaanyi nti nga wakyaliwo omukisa gwa Gavumenti okubakwatizaako mu byetaagisa basobole okwegobako obwavu.