Musonyiwe Poliisi banange – Hon. Kabagenyi

Rose Kabagenyi nga ono ye mubaka omukyala akikirira abakyala b’e Kisoro mu Lukiiko Olukulu olw’eggwanga avuddeyo n’asaba abatuuze b’e Kisoro basonyiwe Poliisi olw’ensobi ezakoleddwa nebakuba abantu babiri amasasi era nga kati bapookya nabiwundu mu ddwaliro lya St. Francis Mutolere.
Yasabye abatuuze okukolera awamu ne Poliisi naddala nga ekola ebikwekweto kubamenyi b’amateeka kibanguyize emirimu era nti ne Gavumenti yetegese okukolera awamu n’abantu mu mbeera yonna.