Mukozese amasannyalaze okuleeta obugagga mu maka gammwe – MP Lugoloobi

Omubaka mu Palamenti owa Ntenjeru ey’amambuka Amos Lugoloobi asabye abantu b’ekitundu ky’akiikirira okweyambisa obulungi amasannyalaze Gavumenti geesaasaanya mu misoso gy’ebyalo kiyambe okuleeta obugagga mu maka gaabwe nga bakozesa amasannyalaze gano ebintu ebiyinza okuvaamu ensimbi.

Omubaka Amos Lugoloobi asinzidde ku mikolo  gy’okusonda ensimbi ez’okuzimba amasinzizo e Luteete mu kitundu kino ky’akiikirira  n’awaayo akakadde k’ensimbi mu Klezia ne mu Kkanisa.

Lugoloobi agamba nti abantu b’omubyalo batunuulira butunuulizi amasannyalaze wabula kati kyekiseera bafune eky’okugakozesa nga batunda eby’okunywa ebinnyogoze, okusiika emberenge n’emirimu emirala .