Lwaki mwokera ebipiira mu nguudo – Oulanyah
Omumyuuka w’Omukubiriza w’Olukiiko olukulu olw’Eggwanga
Jacob Oulanyah avuddeyo navumirira obwegugungo obwaliwo oluvannyuma lw’okukwatibwa kwa Kyagulanyi Ssentamu Robert aka Bobi Wine.
Oulanyah agamba nti bwoba oyagala Eggwanga lyo tosobola kwokya bipiira mu nguudo Gavumenti zesasanyizaako ensimbi empitirivu okuzizimba.
Agamba nti mu kaseera kano aka #COVID-19 tosobola kukungaanya bantu kuba obeera obateeka mu buzibu bwokukwatibwa ekirwadde ssenyigga omukambwe.
