LC3 Chairman akunze abatuuze nebookya ekibira e Mubende
Poliisi e Mubende ekutte Chairman wa LC3 ow’e Ggombolola y’e Butoloogo lwakukuma mu bantu omuliro okwokya ekibira kya Gavumenti eky’e Mpinze ekisangibwa mu Ggombolola y’e Butoloogo.
Reuben Mutabaazi kigambibwa nti yakunze abatuuze okukwekalakaasa nga bawakanya ekiteeso ky’ekitongole ekivunaanyizibwa ku by’ebibira mu ggwanga ekya National Forest Authority (NFA) okukiwa omuntu omulala amanyiddwa nga Awomugisha Emma asimbemu emiti.
Kigambibwa nti Mutabaazi efunda eziwerako abadde nga asaba ekitongole kino kimuwe olukusa okusimba emiti mu kibira kino wabula nga amibwa olukusa.
