Kitalo! Takisi etomedde 3 Ssemuto nebafiirawo
Kitalo!
Abantu 3 okuli owa booda booda 1 n’abasaabaze be 2 bafiiriddewo mbulaga mu kiro ekikeesezza olwaleero mu kabenje akagudde ku luguudo lwa Ssemuto mu ttawuni ye Gombe ekisangibwa mu Disitulikiti y’e Wakiso, takisa nnamba UAD 351G ebadde ewenyuuka obuweewo bwebasaabadde.
Abafudde kuliko: Alex Kimuli 26 abadde mugoba wa Booda Booda ku siteegi y’e Matugga-Mabanda, Mukiriza Milly myaka 24 abadde wa mobile money e Kawanda, ne Mugabi Charles ow’emyaka 30, nga mutuuze mu Distulikiti y’e Mukono.
Ababaddewo bagamba nti owa bodaboda abadde agezaako kuyisa ekimotoka ekimubadde mu maaso eby’embi kwekwambalagana ne takisi ebadde ettisse abasaabaze ng’eva Kampala edda e Ssemuto.
