Kitalo! Abantu 32 bafiiridde mu kabenje
Kitalo!
Abantu 32 bebakakasiddwa nti bafiiriddewo mbulaga mu kabenje akabaddemu emotoka 5 mu kiro ekikeesezza olwaleero ku luguudo lwa Kasese- FortPortal ku luguudo lwa Hima Rugendabara e Kihogo – Kasese.
Okusinziira ku Uganda Red Cross Society, emirambo 32 gyegyakazuulibwa n’abantu abalala 5 abawonyeewo nebaddusibwa mu ddwaliro lya Kilembe Hospital.
Kigambibwa nti loole eyabadde etisse essaanduuke y’omufu n’abantu bangi yatomereganye bwenyi ku bwenyi n’emotoka entono olwo endala ezabadde zijja neziziyingira.
