Kadaga ayimirizza okukubaganya ebirowoozo ku nsonga ya Bodaboda 2010
Omukubiriza w'olukiiko olukulu Olw'eggwanga Rebecca Alitwala Kadaga ayimirizza okukubaganya ebirowoozo ku nsonga ya Bodaboda 2010 eyali erekeddwa mu ddiiro naddala mu nzirukanya yaazo mu kibuga Kampala.
Kadaga agamba nti ssikirungi Palamenti kukubaganya birowoozo ku nsonga eno nga ate ebitongole ebikola ogw'okunoonyereza ate nga waliwo n'emisango egigguddwa ku bantu bano mu kkooti.
Kinajjukirwa nti mu Museenene w'omwaka oguyise, Palamenti yali etandise okukkiriza ekiteeso ekyali kireeteddwa omubaka wa Bunya East, Woira Majegere okutandika okunoonyereza ku ngeri aba Bodaboda gyebakkakkalabyamu ebyabwe nga kigambibwa nti abantu bano bavujjirira ebikolwa eby'obumenyi bw'amateeka .
