Kadaga asabye alipoota ku kuttibwa kw’abakyala mu Wakiso
Sipiika wa Palamenti, Rebecca Alitwala Kadaga asabye Minisitule etwala ensonga zoomunda mu ggwanga awamu ne Police okuvaayo ne alipoota ekwata ku bakyala abazze batirimbulwa mu Munisipaali y’e Ntebe awamu ne Nansana nga bino byombi biri mu Disitulikiti y’e Wakiso .
Agamba nti mu Lwokubiri lwa ssabbiiti ejja Palamenti lweddamu okutuula okuva mu luwummula basuubira nti alipoota eyo okuba nga enaaba ewedde .
Kadaga asabye Gavumenti okufuba okulaba nga ekola butaweera okulaba nga obuzigu buno buggwawo. Avumiridde engeri abakyala gyebatirimbulwamu ey’okusooka okubakaka akaboozi k’ekikulu ate nebabafumita ebiti mu bukyala.
