Justin Jjuuko avunaaniddwa gwakutendeka bayekera
Omukubi w’ebikonde Justin Juuko yasimbiddwa mu Kkooti ya UDC etuula ku kitebe kya CMI e Mbuya nga empapula ziraga nti yavunaaniddwa nga 22-December-2020.
Jjuuko okukwatibwa bamujja Kyazanga ne Garry Paul Mayanja nga bombi Bannakibiina kya Forum for Democratic Change – FDC nga bebavunaanibwa kukunga abantu mu bitundu by’e Masaka.
Wabula ye Mayanja yayimbulwa okuva ku SIU e Kireka gyebaali bakuumirwa.
Bannamateeka ba Jjuuko badukidde mu Kkooti Enkulu ku Twed Tower, era Omulamuzi Musa Ssekaana yayisizza ekiragiro ateebwe wabula Mark Muwonge eyakiikiridde Ssaabawolereza wa Gavumenti yategeezezza Kkooti nti Jjuuko babadde tebasobola kumuta kuba yabadde amaze okuvunaanibwa.
Jjuuko yavunaaniddwa okutendeka abavubuka mu bikolwa by’ekiyeekera wamu n’okusangibwa n’emmundu.
