Gavumenti eweze amawulire ku kwekalakaasa kwa FDC
Gavumenti eweze emikutu gya Laadiyo gyonna ne Telefaayina okukwata amawulire ga FDC ku kwekalakaasa .
Minisita w’ensonga za mawulilre Jim Muhwezi abadde ayisa ekiragiro kino ku kitebe kya Gavumenti ekya Mawulire mu lukungaana lwa Bannamawulire omubadde ne Ssaabawolereza wa Gavumenti Fred Ruhindi n’omumyuka we Rukutana Mwesigwa wamu ne Ssaabaduumizi wa Police General Kale Kayihura ne Godfrey Mutabazi akulira ekitongole kya UCC .
Muhwezi agamba nti omukutu gwa mawulire gwonna ogunaakwatibwa nga gukwata obutereevu amawulire g’ebikolwa by’obugyemu eri Gavumenti obutereevu gwa kuggalwa mbagirawo .
