Gavumenti erowooza ku ky’okukwatizaako amasomero g’obwa nnannyini
Minisita avunaanyizibwa ku nsonga z’abakozi ba Gavumenti , Hon Muluuli Mukasa agamba nti Gavumenti erowooza ku ky’okukwatizaako amasomero g’obwa nnannyini nga nga egasasulirako emisaala gy’abasomesa.
Minita Mukasa abadde ku ssomero lya Munta Royal College e Bombo mukusabira abayizi era nga okusaba kuno kukulembeddwa Ssaabadinkoni w’e Bombo.
Mukasa agambye nti, nga Gavumenti bwekola mu kuyamba ku masomero gano okubagulira ebitabo abaana bye bakozesa mu by’enjigiriza n’okusasulira fiizi abamu ku bayizi mu masomero gaabwe, n’ensonga y’emisaala nayo bagilowoozaako.
Akubiriza abazadde okulaga abaana baabwe akabi akali mu mulembe gwa Dotcom, n’ategeeza nti tegwewalika kubanga ennaku zino buli kimu kitambulira ku Tekinologiya nti wabula abazadde bafeeyo nnyo okulabula abaana baabwe n’okubalaga engeri entuufu ey’okukozesaamu Tekinologiya ono.
