FDC etegeka kwekalakaasa okulemesa Museveni okulayira

Ekibiina kya FDC kitegeka kwekalakaasa okulemesa Museveni okulayira nga 12/05/ 2016 okuggyako nga Gavumenti ekkirizza ekitongole ekyetengeredde okuddamu okubala akalulu akaaliwo mu gwokubiri nga 18 , 2016 .  

Enteekateeka eno eyanjuddwa amyuka Ssaabawandiisi wa FDC  Kaija Harold nga ayogerako mu lukungaana lwa Bannamawulire olubeerawo buli wiiki ku kitebe kya FDC e Najjanankumbi mu Kampala .

Kaija agamba nti newankubadde babadde bagondera etteeka ly’enkungaana eribeetaaza okutegeezaako Police, beetegefu okukyuka n’embeera singa Police eneebalemesa .

Wabula ye akulira abakyala mu FDC Ingrid Turinawe agamba nti okwekalakaasa kuno kukulu nnyo okulaga nti eyakwata bendera ya NRM yabba bubbi akalulu nga bwekyalabibwa abatunuulizi b’akalulu  ab’ensi yonna n’aba wano .

Mulukungaana lwelumu Ingrid alabudde Museveni obuteetantala kwogera na ba memba ba FDC nga tafunye lukusa kuva mu FDC nga kino akiggye ku lukiiko  Pulezidenti Museveni mweyayitidde abooludda oluvuganya Gavumenti mu maka goobwa Pulezidenti e Ntebe ku nkomerero ya wiiki ewedde .