Effujjo teririna kifo munsi erimu abagunjuffu – Ssaabalamuzi Katureebe
Ssaabalamuzi wa Yuganda Omulamuzi Bart Katureebe avuddeyo navumirira effujjo eryayoleseddwa mu kuwulira ensala y’omusango gwa Dr. Stella Nyanzi. Era avuddeyo neyebaza Omulamuzi wa Kkooti ya Buganda Road ow’eddaala erisooka Gladys Kamasanyu, olw’obukakamu bweyayolesezza obudde bwonna. Avumiridde nnyo ebikolwa eby’effujjo nti tebirina kifo munsi y’obugunjuffu.
