Ebya Olympics bitunuzza abakulira eby’emizannyo ebikalu mu Kakiiko ka Palamenti

Akakiiko ka Palamenti akavunaanyizibwa ku byenjigiriza n’ebyemizannyo kakunyizza olukiiko oluvunaanyizibwa ku by’emizannyo mu ggwanga aka National Council for Sports olw’e bigambibwa nti ttiimu y’eggwanga e yatwalibwa mu mizannyo gya Olympics mu Brazil teyavaayo na mudaali gonna.

Olukiiko lwa National Council of Sports nga lukuliddwamu Sssaabawandiisi waabwe, Nicholas Bulamagi lulabiseeko eri akakiiko kano okunnyonnyola lwaki ekibinja kya bannayuganda 20 abeetaba mu mizannyo gino omuli ; Abaddusi, Abawuzi n’abakubi b’ebikonde mpaawo yabuukayo wadde n’akantu.

Akakiiko kano kakulirwa omubaka omukyala akiikirira Disitulikiti y’e Mbale mu Palamenti, Xtine Galiwango Nakayenze.