Ba Ddereeva b’emotoka ennene bagaaniddwa okuyingira e Rwanda

Emotoka ezisoba mu 50 ez’emigugu ba Ddereeva ne ba Ttaniboyi baazo bakyakonkomalidde ku nsalo y’e Mirama mu Disitulikiti y’e Ntungamo nga bakyagaaniddwa okuyingira mu Rwanda. Abamu ku ba Ddereeva bano bagamba nti bamaze wiiki wakati wa 2 ne 3 ku nsalo nga bagaaniddwa okuyingira e Rwanda. Umar Jamal, Ddeereva era Munnansi wa Kenya agamba nti abakulu ku nsalo ya Rwanda bataddewo obukwakulizo obuzibu obuzibu nga babagamba baweeyo emotoka zaabwe zivugibwa ba Ddeereva Bannansi ba Rwanda abali Nyagatare olwo bbo batuuse ebintu gyebiraga era balina kubeera mu kifo webakuumirwa okutuusa emotoka lwebazikkomyawo.
Ye Karim Bagaaga, agamba nti emotoka ezisinga zebawaddeyo zikoze obubenje ezimu neziggwayo olwokuba bavugira ku sipiidi empitirivu.
📸 Uganda Radio Network