Avunaanibwa ogw’okutta owa Mobile Money ayolekedde okusingisibwa ogw’obutemu – Mukono
Abayambi ba kkooti enkulu e Mukono basabye omulamuzi Margret Mutonyi okusingisa omusajja Eric Kiwanuka Kibuuka ow’emyaka 35 omusango gw’obutemu ogumuvunaanibwa.
Kiwanuka nga yali kitunzi wa Airtime kigambibwa nti yakkira munne bwebaali bakola omulimu gwegumu ssaako n’okukola ku Mobile Money, Isaac Kato ow’emyaka 21 nga yali mutuuze mu ggobolola y’e Naman’amutta n’omulambo n’agusuula mu bikajjo.
Peter Lugwire ne Fred Ssemukwano bategeezezza nti okusinziira ku bujulizi obwaleetebwa mu kkooti bwongera okuluma omusajja ono. Wabula ye Omulamuzi Mutonyi alaze nga 30 Muwakanya 2017 lw’agenda okuyisa ekibonerezo kino.
