Ab’embalu bakubye abasirikale e Manafwa okuboogoloza

Abasirikale ba Uganda Police Force e Manafwa bakiguddeko bwebabadde bagezaako okuyimiriza omukolo gw’embalu.
Abasirikale 4 bali mu mbeera embi oluvannyuma lwokukubwa abantu ababadde ku mukolo gw’embalu bwebabadde bagezaako okuguyimiriza.
Omukolo guno gubadde gulina kubeera Namakhele, Bumukhama, Bunabutsale Subcounty mu Disitulikiti y’e Manafwa.
Bano babadde bagaaniddwa Inzu ya Masaaba okukungaana wabula neberema.
RDC Washaki agamba nti Poliisi yasabye Abantu bano okwamuka ekifo kino wabula neberema ekyawalirizza Poliisi okukuba amasasi mu bbanga n’omukka ogubalagala nerumya abamu.
Abasirikale ba Poliisi bakubye amasasi okumala akabanga era bwegabaweddeeko nebawanika abantu kwekutandika okubakuba amayinja wamu n’okubatematema
Babiri ku bano nga kuliko ne OC baddusiddwa mu Ddwaliro nga bali mu mbeera mbi nnyo.