Basatu bafiiridde mu kabenje ka Bodaboda

Abantu basatu bafiiriddewo mbulaga mu kabenje ka Bodaboda ku luguudo olugenda ku bizinga by'e Bunjakko mu Disitulikiti y'e Mpigi. Bodaboda bbiri nga buli emu abadde etisse abasaabaze babiri zitomereganye.

Abafiiridde mu kakbenje kano kubaddeko Martin Kyambadde myaka 23, Mwanje Godfrey abadde mugoba wa Bodaboda mu kabuga k'e Buwama so ate omulala afudde abadde tannategeerekeka mannya. 

Okusinziira ku beerabiddeko n'agaabwe ku kabenje kano,  bategeezezza Luboggola Simba nti kavudde ku mmotoka ebadde eyitawo nga efuumuula enfuufu ey'amaanyi mu kiseera kino Pikipiki wezibadde ziyisinganyiza olwo nezaambalagana bukanzu 

Emirambo gy'abagenzi gitwaliddwa mu ggwanika ly'eddwaliro ly'e Gombe. Kitalo !!