Abatembeeyi babiri bakwatiddwa lwakugezaako kutta ba offiisa ba KCCA
Abatembeeyi babiri okuli Juma Akankwasa ne Charles Nsereko bakwatiddwa ku misango egyekuusa kukugezaako okutta omuntu oluvannyuma lw’okufumita ba offiisa ba Kampala Capital City Authority – KCCA bwebabadde bateekesa amateeka mu nkola mu ppaaka empya mu kibuga Kampala.
Abasirikale ba KCCA bano ababiri batwaliddwa mu Ddwaliro nga omu ali mu mbeera mbi nnyo. Ababiri bano babadde bava kutawulula nkaayana ezibaddewo wakati waba Ddereeva takisi ku siteegi y’e Masaka ne Ssembabule ababadde balumbiddwa abatembeeyi.
