Abantu 6 abagambibwa okuwamba omukazi mu Ppaaka empya basimbiddwa mu kkooti ya LDC nebasomerwa emisango

Mugambe Kamada Shakur omutembeyi mu Kisenyi, Olo John Bosco, Ali Ddumba Salongo Omusawo w’ekinnansi e Masajja, Frank Ssendi omuvuzi wa Boda-boda e Kawempe, Brain Kaaya ne Lukwago Herbert broker w’ettaka ow’e Makindye baleeteddwa mubukuumi obw’amaanyi obwa CMI and Joint Anti-Terrorism.

Oludda oluwaabi lugamba nti bano omukaaga nga 11 May mu Ppaaka ya Taxi empya ku luguudo lwa Namirembe bawamba Rose Nakiseka n’ekigendererwa eky’okufuna ensimbi 1,150,000/= okuva ku Taata we Fred Kassaga.

Bano bavunaaniddwa omusango gw’obutemu nga kigambibwa nti batta Nakisekka n’omukyala omulala Rehema Nabwanika gwebagambibwa okutta nga 24 May e Masajja e Makindye Sabagabo.

Omulamuzi ow’eddaala erisooka Joselin Nsenge bano tabakirizza kwogera kintu kyonna olw’okuba emisango egibavunaanibwa gya naggomola era giwulirwa Kkooti enkulu yokka era bwatyo n’abasindika e Luzira.

Kyokka era mu Kkooti y’emu waliwo omusajja Kizito Sadi azze nga alumiriza abantu bebamu okuwamba omwana we eyali asoma ku YMCA e Wandegeya Drina Nalule.