Aba NRM e Masaka bakubye abategese Olukiiko
Abavubuka abakungaanyiziddwa nga Bannakibiina kya
National Resistance Movement – NRM nga babadde balina okubeera mu zoom meeting ya Pulezidenti Yoweri Kaguta Museveni
e Masaka bavudde mu mbeera ng’olukiiko luwedde nebamenya obutebe nga bagamba nti abategesi babefuulidde nebabawa ssente ntono kwezo zebabagambye nga babakungaanya.
Bano bagamba nti bakiriziganyizza okubawa emitwalo esatu nebabawa mutwalo gumu. Bano bayuzizza T-shirt za Pulezidenti ezabaweereddwa nebategeeza nga bwebavudde mu NRM. Bbo ababadde mu Masaka Liberation Square bagamba babagambye bagenda kubawa mitwalo 15 oluvannyma nebabawa esatu. Abategesi okuli Gerald Ddundu Tabula ne Rogers Bulegyeya bataasiddwa bakannyama abakuuma omubeezi wa Minisita owabaana nabavubuka Florence Nakiwala Kiyingi.
