2 Police ebayodde ku bubbi bw’emmotoka – Mukono
Police e Mukono egombyemu obwala abasajja babiri abalina akakwate ku mmotoka eyabbiddwa ku nannyini kampuni ya Devine ekola ekyokunywa eky’akasera.
Ssuuna Precious yakubiddwa bubi nnyo kumpi kukoma ku mugo gwa ntaana abantu abatannategeerekeka abaamulumbye mu makaage e Goma agali mu Municipaali y’e Mukono era nebakunta n’emmotoka ye kika kya Noah.
Ayogerera Police mu bitundu bya Ssezibwa, Lameck Kigozi agamba nti abagombeddwamu obwala basangiddwa mu mmotoka eno yennyini eyabbiddwa nga bagivuga bagiggya Jinja okudda e Kampala, awo Police neebagoba okutuusa lw’ebakwatidde e Lugazi.
