Zebra yagezezaako okulwana n’amaggye negamutta – Pulezidenti Museveni

Pulezidenti Yoweri Kaguta Museveni;”Okusooka twawulira nti Zebra Ssenyange Mando abavubuka beyatendeka ebikonde baali bagenda kukozesa okukuba abalala. Abadde muwagizi wa National Resistance Movement – NRM, wabula wabaddewo abavubuka abamu beyatedeka abakozesebwa mu lutalo lwa ppaaka e Bwaise. Kino kyekyaleetera abasirikale baffe abakugu okugendayo boogereko naye, bagenda ewuwe nebakonkona abantu nebagaana okuggulawo, Zebra yaliwo mu ddiiro wabula naddukawo. Abasirikale bano baaliwo mu bibinja ebiwerako, era mu kudduka yaggwa mu kibinja ekirala. Bagamba bagezaako okumuyimiriza wabula nayagala okulwana nabo nebamukuba amasasi 2 agamuttirawo. Tugenda kunoonyereza ddala ekyabaddewo. Okusooka nalowoozezza nti bano abawagirwa abagwira bebabbye ebyambalo bya Poliisi.”