Omubaka wa Pulezidenti mu Masaka City, RCC Ahamada Washaki avuddeyo nakomba kwebaza eriibwa nti kikafuuwe olukungaana lwakwatidde ekibiina ki National Unity Platform ku kifo ky’obwa Pulezidenti, Kyagulanyi Ssentamu Robert aka Bobi Wine olwokubeerayo na 29-11-2025 bwatajja kulukiriza kubeera ku Liberation Grounds nga Mmeeya Florence Namayanja bweyayogedde, ono agamba nti olukungaana balutegeke e Kako oba mu Sports Arena oba e Kitanga.
#ffemmwemmweffe
#protestvote2026
#PeoplePowerOurPower
#UgandaDecides2026
#AnewUgandaNow
Bannamateeka ba Bannakibiina ki National Unity Platform nga bakulembeddwamu Omubaka omukyala owa Kampala Shamim Malende batuuse dda ku Kkooti y’Omulamuzi eye Kawempe esangibwa e Kanyanya ngolwaleero omulamuzi lwasuubirwa okuwa ensala ye kukusaba okwokweyimirirwa okwa; Eddie Mutwe., Achileo Kivumbi, Bobi Giant, Saudah Madaada, Alex Waiswa Mufumbiro, Kaija Doreen, Lukenge Sharif, Kaweesi Tonny, Nyanzi Yasin ne Sserunkuuma Edwin aka Eddy king Kabeja.
Omulamuzi wa Kkooti ye Kawempe etuula e Kanyanya Damalie Agumaasiimwe agaanye okusaba kwa Bannakibiina ki National Unity Platform 10 okwokweyimirirwa nategeeza nti bandikyankalanya eddembe lyabalala nti nekirala bayinza okutaataganya obujulizi wamu n’okutiisa abajulizi mu misango egibavunaanibwa kuba abamu ku bajulizi bali mu NUP.
Bya Christina Nabatanzi
Omwogezi wa National Unity Platform LOP Joel Ssenyonyi avuddeyo navumirira ekisaliddwawo Kkooti okumma Bannakibiina kya NUP ekumi omukisa okweyimirirwa nategeeza nti kino kiyingiddemu ebyobufuzi.
Bino abyogeredde ku Kkooti y’Omulamuzi w’e Kawempe etuula e Kanyanya nagabamba nti eky’Omulamuzi okwesigama ku bavuddeyo okweyimirira abantu nti bato ku bavunaanibwa kikyamu kuba eky’emyaka tekyali nsonga mu mateeka oluvannyuma okuggyawo ekkomo ku myaka mu Ssemateeka.
Bya Christina Nabatanzi
Emizira n’enduulu bisaanikidde ekisaawe ky’e Boma mu Disitulikiti y’e Apac, abawagizi ba National Resistance Movement – NRM bwebabadde baaniriza akwatidde ekibiina bendera ku kifo kya Pulezidenti Yoweri Kaguta Museveni.
Mu kwogera kwe, Pulezidenti Museveni annyonyodde ku bintu ebyenjawulo Gavumenti byetuuseeko omuli emirembe, enkulaakulana wamu ne bonna bagaggawale.
Bya Barbara Nabukenya
Omwogezi w’Ekitongole ky’Amakomera ekya Uganda Prisons Service Frank Baine avuddeyo ku katambi k’eddoboozi lya Rtd Col. Dr. Kizza Besigye akazanyibwa mukotongozebwa kw’ekibiina kya People’s Front for Freedom (PFF) kagamba nti kaali kagatirire.
Bino yabyogeredde ku Makerere University Business School (MUBS) oluvannyuma lwokutendekebwa kwa Bannamawulire.
Baine agamba nti bano bagatta obutambi bwa Besigye ngayogera obukadde wabula ngate babugatta bubi ekyali kiwulirwa omuntu yenna eyayitako mu ssomero. Ono agamba nti eddoboozi eyazannyibwa lyali terikwatagana okuva muntandikwa galikutukakutuka.
Baine ayongerako nti Ekitongole ky’Amakomera kyalindirira okuwulira okwogera kwa Besigye kwebaali basuubizza abantu ku kutongozebwa kwekibiina. Ono agamba nti ekibuuzo ekisinga obukulu kiri nti Besigye yali ayogerera wa?
Wabula Omubaka Ssemujju Ibrahim Nganda akalambira nti Rtd Col. Kizza Besigye munnamaggye omutendeke alina obukodyo bwonna obumusobozesa okubakuba ekimooni nakola kyayagala nga bwazze abatolokoka nawaka nga bamukuuma.
Ekitongole ekivunaanyizibwa ku mbuuka z’Ennyonyi mu Ggwanga ekya Uganda Civil Aviation Authority – UCAA ne Minisitule y’ebyentambula n’enguudo olunaku olwaleero batongozza ekifo ekipya awatuukira abagenyi ekya Business Class Lounge ku kisaawe ky’Ennyonyi Entebe.
Bya Shanitah Nabwabye Entebe
#ffemmwemmweffe
Motoka ekika kya Toyota Spacio nnamba UBB232Z ngebadde eva mu bitundu by’e Ntinda eremeredde omugoba waayo netomera owa booda booda abadde ku mabbali g’oluguudo nemumenya okugulu okukakana ngetomedde olukomera lya Leediyo Simba wano e Bukoto.
Omugoba wa booda booda addusiddwa mu ddwaliro wabula ngali mu mbeera mbi ddala.
Bya Martin Amayiko
Waliwo Famire ekyatubidde n’omulambo gw’omuntu waabwe eyaleka ekiraamo ekikambwe ekyobutaziikibwa okutuusa nga Ekereziya Katolika ebawadde ekyapa kye kyeyagiteresa. Maria Thereza Nakibuuka 95, ngabadde mutuuze ku kyalo Nakuwadde Bbira-Lubanyi mu Disitulikiti y’e Wakiso migambibwa nti bweyali atandise okunafuwa emyaka 10 egiyise nga mu nnyumba abeeramu bwomu yekengera abayinza okumuyigirira nebabba ebiwandiiko bye kwekusalawo okuteresa Ekyapa kye akiterese Ekereziya ya Nakulabye Catholic Parish wabula kyamubuukako okukitegeerako nti ekyapa kye kyakyuusibwa okuva mu mannya gge nekizzibwa mu ga Ekereziya.
Omukulu w’Ekika kya Nyonyi Namungoona, Richard Luswata Musajjakaawa, agamba nti babadde bagugulana ne Ekereziya okumala akabanga nga muzzukulu we abanja ekyapa kye wabula nga tebakimuwa.
Wabula, Rev Fr Richard Ssajjabi, chief executive officer wa Kampala Archdiocese Land Board, agamba nti Nakibuuka yawaayo ettaka lye eriweza yiika 1.4 eri Legion of Mary, ekitongole kya Ekereziya Katolika.