museveni – Radio Simba – Ffe Mmwe Mmwe Ffe

Pulezidenti Yoweri Kaguta Museveni; “Bannayuganda naddala Abazzukulu, mbalamusizza. Kati enaku ziri 7 okuva lwenakeberebwa nensagibwa n’ekirwadde kya COVID-19. Nga bwenabategeezezza olunaku lw’eggulo nti nali siwulira bulwadde naye nali mpuliramu olusujjasujja. Mpulira nti kekaseera nveeyo mukweyawula. Wabula olwaleero nzizeemu okwekebeza era nga nkyalina COVID-19. Ekyomukisa Maama Janet Kataaha Museveni ye tamulina kuba tugoberera ebiragiro.
Eyayogeddeko nange ku Social media n’abalala benayogedde nabo ku ssimu, babadde bangamba nti okwekebeza oluvannyuma lwenaku 4 oba wiiki mbeera mpapye, wabula nabadde nina okukikola kuba nabadde nina okubeera ne ba Pulezidenti abalala 6 okuva mu Afirika okuli owa; Comoros, Egypt, South Africa, Senegal, Congo- Brazzaville ne Zambia nga tubadde tulina okubeera e Poland enkya olwo tulinnye eggaali y’omukka okugenda e Kiev okugezaako okutabaganya Russia ne Ukraine. Mbadde nina okubeera nabo naye mbaweereza obubaka nebategeeza nti nsindise Dr. Rugunda ankiikirire era nga ali Poland kati.
Olwokuba sigenda Kiev ne Russia, njakusobola okwogerako eri Palamenti enkya nga nesudde ebbanga lya mita 300 ku lunaku lwokusoma embalirira, kati obuvunaanyizibwa mbukwasizza VP Alupo. Olwokuba sitambula, ajja kulambula enyiriri z’amaggye olwo nze njakuwa obubaka obusembayo ku nkomerero y’okusoma embalirira.
Ntaddeko omukono;
Yoweri K. Museveni Ssaabalwanyi”

Pulezidenti Yoweri Kaguta Museveni avuddeyo nsambajja amawulire agatambuzibwa nga bwali omulwadde ennyo nga mu kadde kano ali mu kasenge k’abayi (ICU). Museveni asabye Bannayuganda bongera okumusabira kuba embeera eno wakugivvunuka era tali bubi.

Pulezidenti Yoweri Kaguta Museveni; “Bannayuganda naddala Abazzukulu, nga kitalo ekya Ibrahim Tusubira aka Ismba Ichuli. Nvumirira ekyokutta Bannayuganda ekikolebwa embizzi ezimu. Mbizzi zezirowooleza mukutta abantu nga zikozesa emmundu ku bantu abatalina mmundu. National Resistance Movement – NRM ennyumirwa nnyo okuwangula abagivuganya ngeyita mukukubaganya ebirowoozo. Okutta abakuwakanya kiraga nti oli mutitiizi, bwomutta olwokuba mukyaamu olwo ggwe kikufuura omutuufu?

Abatemu tebalowooza. Njagala okukakasa Bannayuganda nti abakikoze bagenda kunoonyezebwa era tubabategeeze. Mujjukira abebijambita e Masaka? Bangi bagambibwa okutta abantu bano bali mu Kkooti bavunaanibwa. Mujjukira ekibinja kya Kiddawalime?

Abamu ku bbo bafu oba bali mu kkomera. Kiddawalime ye mufu. Mpeerezza amataaba eri abafamire era State House Comptroller wakuzitwala yo. Nsaasidde nnyo aba famire ya Isma era tuli wamu nammwe era omutemu oyo wakubonerezebwa.

Ngenda kusaba Natasha anoonye ebifaananyi by’abantu baffe abattibwa Idi Amin nabatta mu lujudde mu February, 1973. Bano kwaliko; Masaba ne Namirundu e Mbale; Nkoko ne Ntale e Jinja; waliwo omu omubbi e Kampala wabula nga teyali wa FRONASA; Obwona ne Labeja e Gulu; Malibo ne Kasolo e Fort- Portal; Karuhaanga aka Muharaabu, omusomesa w’okubala e Mbarara; Karambuzi, Bitwaali ne Kangire e Kabale. Amin kyamuyambira wa? Aliwa kati era yakomekereza atya nabo abaali bamuwagira? Abatta abantu bonna mbizzi.”

Munnakibiina kya Forum for Democratic Change – FDC Rtd Col Dr Kizza Besigye; “Baminisita ba Museveni babbi. Balinga nkima ezirabye amenvu ziba zaagala kuganyakula bunyakuzi buli bwezigalabye.”

On Air

Binsangawano