Minisita avunaanyizibwa ku by’amawulire n’okuluŋŋamya Eggwanga Dr. Chris Baryomunsi avuddeyo nategeeza nti Bannayuganda basusizza okukozesa obubi omutimbagano nti era y’ensonga lwaki Gavumenti yavaayo n’etteeka ly’omutimbagano okukwata n’okukangavvula abakozesa yintaneeti obubi. Ono yabadde ayogera ku bakoze omwoleso gw’ebinnya mu nguudo za Kampala nga agamba nti bawebuula Eggwanga era baliwa ekifaananyi ekibi.
Hon. Mwijukye Francis (Buhweju MP) ngayakiikiridde akulira Oludda oluwabula Gavumenti ategeezezza Palamenti nga bweyewuunyizza Minisita avunaanyizibwa ku nsonga za Kampala okuyisa ekiragiro ekifuula okukuba ebifaananyi by’ebinnya ebiri mu nguudo za Kampala omusango nga agamba nti bino kyakutiisa abalambuzi baleme kujja mu Ggwanga.
Hon. Mwijukye ategeezezza Palamenti waliwo abantu abakwatiddwa olwokukuba ebifaananyi nasaba nti kino kigonjoolwe okusinga okukifuula omusango.
#KampalaPotholesExhibition