AFCON – Radio Simba – Ffe Mmwe Mmwe Ffe

Minisitule y’Ebyenjigiriza n’emizannyo yetaaga obwesedde 2 mu obuwumbi 100 okusasulako ekitundu ku nsimbi Uganda zirina okusasula ekibiina ekitwala omupiira ku lukalu lwa Afirika ekya Confederation of African Football – CAF okutegeka ekikopo kya AFCIN 2027, okutandika okuzimba ebisaawe 2 ebirala ebyetaagibwa wabula tewaliiwo nsimbi ku zino ziteekeddwa mu mbalirira y’omwaka gw’ebyensimbi 2024/25.

Omubeezi wa Minisita avunaanyizibwa ku by’emizannyo Peter Ogwang MP avuddeyo nategeeza nti Uganda erina okutuukiriza obukwakulizzo 6 nga tenakirizibwa kutegeka mpaka za AFCON 2027 nga buno kuliko n’okusasula obukadde bwa ddoola 30 bwebuwumbi 112 ebisale byokutegeka eri Confederation of African Football (CAF) ng’omwezi gwa February 2025 tegunatuuka.

Omukulembeze ekibiina ekifuga omupiira ogw’ebigere mu ggwanga ki Federation of Uganda Football Associations (FUFA), Eng. Moses Magogo, Ssentebe w’akakiiko akatwala eby’emizannyo mu Ggwanga, Ambrose Tashoobya, Ssaabawandiisi w’akakiiko kano, Dr. Ogwel Benard Patrick baaniriziddwa mu mizira ku kisaawe Entebbe bwebabadde bava ku mu kibuga Cairo mu ggwanga lya Misiri ewakubiddwa akalulu Uganda mweyatuukidde ku kkula ly’okutegeka empaka z’Africa Cup of Nations 2027.

Uganda yatuuse ku kkula lino oluvannyuma lw’okutta omukago n’amawanga okuli Kenya ne Tanzania gwebatuuma PAMOJA 2027

Olunaku olwaleero abakungu okuva mu Kibiina ekitwala omupiira ogw’ebigere mu Ggwanga ekya Federation of Uganda Football Associations (FUFA) nga bakulemeddwamu FUFA Pulezidenti Eng. Moses Magogo, bano bakulembeddwamu omumyuuka wa Sipiika Thomas Tayebwa, Minisita w’ebyemizannyo Ogwanga Ogwanga basisinkanye Pulezidenti Yoweri Kaguta Museveni wamu ne Minisita w’ebyenjigiriza n’emizannyo Janet Kataaha Museveni mu State House Entebe okubayitiramu mu kusaba okwawamu okwa mawanga ga East Africa okuli; Uganda, Kenya ne Tanzania okutegeka AFCON 2027 kyebayise ‘EAC Pamoja bid’.

On Air

Neyimbira Byange 2026