Pulezidenti Museveni yebazizza ab’e Kiruhura
Pulezidenti Yoweri Kaguta Museveni avuddeyo nasiima abantu b’e Kanyaryeru Resettlement Scheme mu Disitulikiti y’e Kiruhuura olwokubeera abawagizi ba National Resistance Movement abatakyuuka okuviira ddala mu 1981 – 1986 lwebawa abanunuzi obukuumi.
Era yabasiimye olwokuba nti basobodde okukozesa ettaka ettono Gavumenti lyeyabawa oluvannyuma lw’olutalo mu 1986 nga kati omuntu omu asobola okufuna obukadde 64 okuva mu yiika z’ettaka 7 buli mwaka.
