Poliisi ekutte Takisi 10 lwakusomba basaabaze okuva e Mutukula

Uganda Police Force wamu n’Eggye lya Uganda Peoples’ Defence Forces – UPDF e Maska bakutte Taxi eziwerako nga kigambibwa nti zino zabadde zitisse abasaabaze nga zibajja e Mutukula ekisangibwa mu Disitulikiti ey’okunsalo ey’e Kyotera nga kino kikontana n’ekiragiro ekyaweebwa Pulezidenti Yoweri Kaguta Museveni okusobola okuziyiza okusaasana kw’ekirwadde kya #COVID-19.

Takisi 10 zakwatiddwa nga zino zasangiddwa nga zitisse abasaabaze nga ziyita mu makubo agesudde ekibuga Masaka mu Ggombolola y’e Kyanamukaaka ne Kyesiiga. Takisi wamu n’abazibaddemu bonna bakuumirwa ku Poliisi e Masaka nga balindirira okukeberebwa.