Poliisi ekutte omukazi abadde abba abasajja abamukwana
Poliisi ya Kampala Metropolitan Police ekutte omukazi Judith Atukwase aka Elizabeth Amanya nga kigambibwa nti ono abadde awa abasajja ebiragalalagala nabba ebintu byabwe. Ono yakwatiddwa Kyengera oluvannyuma lw’okubba omusajja eyamututte ewuwe nasiba buli kimu ekyabadde mu nnyumba.
Ono abadde ateega abakola mu bbanka, Bannamateeka, Bannamawulire, Abasawo wamu n’abasuubuzi.
Ono omusango agukirizza nategeeza nti alina ekibinja ky’abanne abalala okuva e Nigeria n’ensi endala bakola nabo.
Uganda Police Force egamba nti emusanze ne TV, woofer, amasuuka, laptop n’ebintu ebirala ebyomunnyumba.
