Police eyodde emmotoka 80 mu kikwekweto ku lw’e Masaka

Police eriko ebidduka byeyodde wamu n’abagoba baabyo ne bakwatiddwa olw’okumenya amateeka g’ebidduka ku luguudo oluva e Kampala okudda e Masaka.

Mu kikwekweto ekikoleddwa enkya ya leero era ebidduka ebiri mu 80 biyooleddwa mu bitundu ebyenjawulo ku luguudo luno Police mwegenze ng’esuula ebiddo naddala ebifo ebisinga okugwamu obubenje wakati wa Nsangi ne Lukaya.

“Buli mmotoka ebadde tesaana kuba ku luguudo, tubadde tugikwata era emmotoka ezisukka mu 80 tuzikutte “. Phillip Mukasa mwogezi wa Police mu Katonga bw’ayogera.