PAC ekunyizza abakulira abakozi mu zi Disitulikiti

Akakiiko ka Palamenti akalondoola ensaasaanya y’ensimbi y’omuwi w’omusolo aka Public Accounts Committee(PAC) kakunyizza abakulira abakozi mu zi Disitulikiti nga Mityana , Kiboga Mubende ne Kyankwanzi, bannyonnyole engeri gyabakozesaamu ensimbi zebakunngaanya mu bantu , ensimbi ezi weebwayo mu nteekateeka ya Bonnabasome, ez’enguudo awamu n’eziddukanya amalwaliro .

Akakiiko kano kali mu kutalaaga eggwanga era nga kabadde kasisinkanye abakulembeze okuva mu Disitulikiti zino ku Kolping Hotel mu kibuga Mityana nga kakubirizibwa Ssentebe waako Reagan Okum.

Akakiiko kano katadde ku ninga akulira abakozi e Kiboga ,. Henry Mugumeannyonnyole ku nsimbi zebajja ku bantu abasala emiti mu bibira n’okwokya amanda nga bagamba nti abantu bandinnyonnyodde wa ensimbi gyebazissa ate n’ani agabira abantu bano olukusa .

Era mu ngeri y’emu n’akulira ebyenjigiriza e Kiboga alagiddwa okunnyonnyola ku nsimbi mmeka Gavumenti zeebawa okuyambako mu nk0la eya Bonnabasome