Owa booda booda agambibwa okusobya ku bakazi 7 akwatiddwa

Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga Poliisi e Mukono bwekutte omuvuzi wa Booda booda ategeerekeseeko nga ye Asumani Owere 30, omutuuze w’e Kitega mu Kawolo Sub-County mu Disitulikiti y’e Buikwe nga kigambibwa nti ono abadde asobya kubasaabaze abakazi nga abatiisatiisa nakambe.

Kigambibwa nti Owere bwamala okusobya ku bakyala bano nga ababbako ebyabwe. Abakazi 7 bebakavaayo nebawaaba emisango ku Poliisi nga bonna bagamba nti Owere yeyabasobyako. Abatuuze bebakutte Owere bweyabadde agezaako okusobya ku mukazi mu nsiko ku kyalo Nakapinyi mu Nama Sub County mu Disitulikiti y’e Mukono.