Omwezi omutukuvu ogwa Ramadan gutandise

Akulira Sharia mu  Yuganda ku Uganda Muslem Supreme Council Sheikh  Yahaya Ibrahim Kakungulu alangiridde okutandika omwezi omutukuvu ogwa Ramadan (ekisiibo).

Ayagalizza abasiraamu bonna ekisiibo ekirungi n’abakubiriza okusaala Talawuya ez’okubeerangayo buli lunaku ku muzikiti ku ssaawa bbiri n’ekitundu ezeekiro.

Ate ye Minisita omubeezi ku byenjigiriza avunaanyizibwa ku byenjigiriza mu masomero ga pulayimale Dr Chrizestom Muyingo ayozaayozezza abasiraamu olw’okutuka mu mwezi omutukuvu era n’abakubiriza okubeera abamalirivu mu kiseera kino

Wabula ye Imam wa Palamenti Haji Latif Ssebagala abasabye okudduukirira abalina obwetaavu, abali mu makomera n’abalala abali mu mbeera eyo.